U NJOHËM

U njohëm në kohë të pa kohë
Ishim dy të humbur në erërat e jetës,
Nuk e njihnim jetën, jeta nuk na njihte
Jetonim në ëndrra, larg të së vërtetës!

Nga sytë papritur shkëndijat na dolën
Si një rreze drite e shkëputur nga dielli,
Vranësirat e jetës nga qielli ynë ikën
Zemrat na u ndritën, u kthjell dhe qielli!

Ishe e buzëqeshur sikur t’ishe lule
Kur ty të takova, princeshë e fjetur,
Me puthje të zgjova nga ëndërra e gjatë
Ti më pritje mua, unë ty t’kisha gjetur!

Dhe jeta vazhdoi sikur një përrallë
Çdo ditë e mbushur plotë me dashuri,
Kalamajt që i zgjodhëm të jenë fëmijët tanë
Në botën që e krijuam veç për ne të dy!

EDHE NJË DITË

Edhe një ditë e re në vargun e jetës
Edhe nje ditë rëndon mbi supet e mia,
E gota ime është e mbushur plot
Gjysma është me helm, e gjysma me lot!

I kalova ditët sikur në errësirë
Jeta po më ikën si dheu ndër këmbë,
Vdekja më është ngjitur dhe nuk ikën dot
Sa ka helm në gotë aq ka edhe lot!

Në ditëlindjen tim kam hapur një gropë
Hallet e jetës aty brenda dua ti mbyll,
Dhe gotën e helmit së bashku me lot
Do ta hudhë në te, në jetën e kot.

Shumë vite shkuan dhe sa janë në radhë
Në një luftë të gjatë në ballë me furtunën,
Unë tani po shkoj kah fundi i jetës 
Nekrologun për së gjalli ia shkruaj vehtes!

Etiketa:

Sikur?

Sikur ëndrra të ishte realitet
Asgjë më shumë s’do të doja n’jetë!
Çfarë kënaqësie unë do të kisha
Me ty si në ëndërr sikur të isha?!

Ah! kjo mendja ime si fluturon
Në vendet më të bukura mua m’dërgon,
N’mes lulesh të bukura plotë me aromë
Bashkë me atë që zemra ma don!?

Ëndërra, ëndërr ka për të mbetë
Rrallëherë ndodhë të bëhet realitet?
E sa shumë do të doja në këtë jetë
Që vetëm kësaj radhe të bëhet e vërtetë!

Faqja 1 nga 17412345...102030...Fund »